ខ្សែការពារ Gerard Pique នឹងសម្រាកព្យាបាលរបួសជង្គង់របស់ខ្លួន ពី៤ទៅ៥ខែឯណោះ ទើបអាចចូលជួយក្រុម FC Barcelona បានវិញ។Pique បានរងរបួសជង្គង់ធ្ងន់ធ្ងរខាងលើនេះ កើតឡើងអំឡុងពេលរូបគេលេងទល់ក្រុម Atletico Madrid កាលពីចុងសប្ដាហ៍កន្លងទៅនេះ។
ដោយឡែករបួសនោះ ដំបូងឡើយត្រូវបានគេដឹងថាអាចនឹងសម្រាកត្រឹម២ខែអីទេ តែជាក់ស្ដែងក្រោយពីស្កេនទៅ ទើបដឹងថាជារបួសជង្គង់ធ្ងន់ធ្ងរ ហើយនឹងសម្រាកពី៤ទៅ៥ខែឯណោះ ទើបអាចចូលលេងវិញបាន។
ក្រុម Barcelona ដែលកំពុងស្ថិតនៅពាក់កណ្ដាលតារាង La Liga នោះ ក៏កំពុងរងផលប៉ះពាល់ខ្លាំងដោយសារតែកីឡាកររបួសផងដែរ។ ជាក់ស្ដែង Ansu Fati ដែលជាខ្សែប្រយុទ្ធវ័យក្មេងម្នាក់ ក៏បានរងរបួសជង្គង់ និងសម្រាកដល់ទោ៦ខែឯណោះ៕
ប្រភព៖ Marca