ខ្សែប្រយុទ្ធ Mohamed Salah បានជាសះស្បើយពីមេរោគកូវីដ១៩ហើយ ក្រោយពីសម្រាកព្យាបាលមួយរយៈមកនេះ និងអាចចូលហាត់វិញជាមួយក្រុមបាន។Salah បានឆ្លងមេរោគខាងលើនេះអំឡុងពេលលេងឱ្យក្រុមជម្រើសជាតិអេហ្សីប និងសម្រាកព្យាបាលជាច្រើនថ្ងៃមកហើយ។
ក្រោយពីតេស្ដលើកចុងក្រោយរកឃើញថាអវិជ្ជមានហើយ ពេលនេះសាមីខ្លួនរូបនេះ អាចចូលរួមហ្វឹកហាត់ជាមួយសមាជិកក្រុមហង្សក្រហមបានពេញលេញហើយដើម្បីត្រៀមប្រកួតនាពេលខាងមុខ។
ក្រុម Liverpool នឹងមានភារកិច្ចក្នុងពានរង្វាន់ UEFA Champions League ប៉ះជាមួយក្រុម Atalanta នៅថ្ងៃទី២៦ខាងមុខនេះក្នុងវគ្គសន្សំពិន្ទុតាមពូល។ នេះជាដំណឹងល្អមួយសម្រាប់ក្រុមលោក Klopp ខណៈដែលពួកគេមានកីឡាកររបួសច្រើនណាស់កន្លងមកនេះ៕
ប្រភព៖ DailyMail