ក្រុមបាល់ទាត់ក្រុមជម្រើសជាតិអេស្ប៉ាញបានយកឈ្នះលើក្រុមអាល្លឺម៉ង់ក្នុងលទ្ធផល ៦-០ សម្រាប់ការប្រកួតពានរង្វាន់ UEFA Nations League កាលពីយប់មិញនេះ។អេស្ប៉ាញគ្រាន់តែកែបាល់ភ្លាម ចាប់ផ្ដើមលេងគ្របលើក្រុមអាល្លឺម៉ង់ភ្លាមៗតែម្ដង និងបន្ដរកគ្រាប់បាល់បានរហូតដល់ទៅ៦គ្រាប់ឯណោះ។
ដោយ៦គ្រាប់នោះ មាន Torres កីឡាកររបស់ក្រុម Man City រកបានដល់ទៅ៣គ្រាប់ម្នាក់ឯងថែមទៀត ដែលនេះជាការរកបាន Hat-trick លើកដំបូងសម្រាប់រូបគេហើយ។ ដោយឡែក៣គ្រាប់ទៀតរកបានដោយ Morata ១គ្រាប់ Rodri ១គ្រាប់និង Mikel ១គ្រាប់ទៀត។
ចប់ការប្រកួត ខ្សែប្រយុទ្ធ Morata បានអះអាងថាក្រុមអេស្ប៉ាញប្រកួតនេះលេងបានល្អតាំងពីដំបូងមកហើយ និងគ្រប់គ្រងការប្រកួតបានល្អណាស់។ ប្រកួតនេះ ប្រសិនបើក្រុមរបស់ខ្លួនព្យាយាមបន្តិចទៀត នោះគ្រាប់បាល់នឹងកើតមានឡើងកាន់តែច្រើនជាងនេះទៅទៀត៕
ប្រភព៖ DailyMail