លោក Gareth Southgate គ្រូបង្វឹកក្រុមជម្រើសជាតិអង់គ្លេស បានបញ្ជាក់ថានៅយប់មិញនេះ Henderson បានរងរបួស ទើបសម្រេចប្ដូរចេញពេលលេងទល់ក្រុមបែលហ្សិក។
ក្រុមអង់គ្លេស បានចាញ់ក្រុមបែលហ្សិកក្នុងលទ្ធផល ២-០ ធ្វើឱ្យពួកគេធ្លាក់ចេញពីពានរង្វាន់ UEFA Nations League ទៅហើយ ទោះសល់១ប្រកួតក្នុងដៃទៀតក៏ដោយ។ ក្នុងការប្រកួតនោះដែរ Henderson ដែលជាប្រធានក្រុមនោះ ក៏ត្រូវបានប្ដូរចេញដែរ បន្ទាប់ពីរូបគេមានបញ្ហារបួស។ គេមិនទាន់ច្បាស់ថារបួសនោះធ្ងន់ធ្ងរកម្រិតណាឡើយ ប៉ុន្តែវាបានបង្ហាញពីកង្វល់សម្រាប់ក្រុមអាជីព Liverpool ទៅហើយ ព្រោះពួកគេពេលនេះមានកីឡាកររបួសច្រើនពេក។
Liverpool គិតត្រឹមពេលនេះ កីឡាករជម្រើសដំបូងជាច្រើននាក់បានរងរបួសដូចជា Virgil van Dijk , Gomez , Trent Alexander-Arnold និង Mohamed ដែលឆ្លងមេរោគកូវីដ១៩ជាដើម។ ខណៈ ដែលនៅចុងសប្ដាហ៍នេះ ពួកគេនឹងត្រូវប្រកួតជាមួយក្រុមកំពុងឡើងជើង Leicester City ថែមទៀត៕
ប្រភព៖ Goal