ខ្សែការពារ Javier Mascherano បានសម្រេចចូលនិវត្តន៍ពីអាជីពបាល់ទាត់ហើយ ក្រោយចំណាយពេលជាច្រើនឆ្នាំមកនេះ ជាពិសេសជាមួយក្រុម Liverpool និង Barcelona ។
ក្រុមចុងក្រោយរបស់កីឡាករវ័យ៣៦ឆ្នាំនេះគឺ Estudiantes ដែលស្ថិតក្នុងប្រទេសកំណើតរបស់គេអាហ្សង់ទីន។ ការប្រកាសពីដំណឹងខាងលើនេះ ធ្វើឡើងកាលពីម្សិលមិញនេះ ដោយសាមីខ្លួនផ្ទាល់តែម្ដង។ Mascherano បានសរសេរថា៖ “ខ្ញុំចង់ប្រាក់គ្រប់គ្នាថា ខ្ញុំសម្រេចចិត្តឈប់លេងបាល់ទាត់ហើយ។ ខ្ញុំអរគុណដល់អ្នកគាំទ្រ និងក្លឹបដែលបានផ្ដល់ឱកាសឱ្យខ្ញុំនិងលើកទឹកចិត្តកន្លងមក”។
Mascherano ជាកីឡាករឆ្នើមម្នាក់ និងល្បីឈ្មោះខ្លាំងនៅក្រុម Barcelona ក្នុងរយៈពេល៨ឆ្នាំ។ រូបគេបានឈ្នះពានរង្វាន់ La Liga បាន៥ដង និង UEFA Champions League បាន២ដងផងដែរ៕
ប្រភព៖ DailyMail