ក្រុមជម្រើសជាតិបែលហ្សិកសង្ឃឹមថាខ្សែប្រយុទ្ធ Eden Hazard នឹងអាចបានលេងទល់ក្រុមអង់គ្លេសនៅរាត្រីនេះ ប៉ុន្តែលទ្ធផលចេញមករូបគេនៅមានវិជ្ជមានកូវីដ១៩ដដែល។Hazard បន្ទាប់ពីជាសះស្បើយពីរបួសហើយ រូបគេចាប់ផ្ដើមមានទម្រង់លេងល្អឡើងវិញបានបន្ដិច ក៏ស្រាប់តែមានដំណឹងថាផ្ទុកមេរោគកូវីដ១៩ទៀត។
ការមានមេរោគនេះ បានធ្វើឱ្យរូបគេខកខានក្នុងការប្រកួតឱ្យក្រុម Real Madrid កន្លងទៅនេះ ហើយក៏អវត្តមានក្នុងការប្រកួតឱ្យជម្រើសជាតិបែលហ្សិកផងដែរ។ ជាក់ស្ដែងនៅរាត្រីនេះ ទល់ក្រុមអង់គ្លេស គឺរូបគេមិនអាចចូលលេងបានឡើយ។
លោក Martinez គ្រូបង្វឹកក្រុមជម្រើសជាតិបែលហ្សិកបានអះអាងថា៖ “យើងបានធ្វើការយ៉ាងស្និទ្ធជាមួយក្រុម Real Madrid ហើយលទ្ធផលបានចេញមកថារូបគេអាចមកលេងឱ្យយើងបានទេ។ នៅរាត្រីនេះ នឹងមិនមាន Hazard លេងឡើយ។ គាត់នៅវិជ្ជមានកូវីដ១៩ដដែល”៕
ប្រភព៖ Marca