ខ្សែការពារ Joe Gomez បានរងរបួសជង្គង់ធ្ងន់ធ្ងរអំឡុងពេលហ្វឹកហាត់ដែលធ្វើឱ្យរូបគេទំនងជាត្រូវសម្រាករហូតដល់ចប់រដូវកាលនេះឯណោះ។
អំឡុងការហ្វឹកហាត់នៅជម្រើសជាតិអង់គ្លេស Gomez បានរងរបួសជង្គង់។ របួសនោះ ពិតជាធ្ងន់ធ្ងរខ្លាំងមែនទែន ដែលទំនងជានឹងធ្វើឱ្យរូបគេសម្រាករហូតដល់ចប់រដូវកាលនេះឯណោះ ហើយក៏អាចនឹងមិនមានវត្តមានលេងនៅព្រឹត្តិការណ៍ Euro 2021 ផងដែរ។ នេះនឹងក្លាយជាកង្វល់ធំមួយទៀតទាំងនៅជម្រើសជាតិអង់គ្លេស និងក្រុម Liverpool ដែលមានកីឡាកររបួសច្រើនមែនទែន។
ខ្សែការពារខាងលើនេះ ក៏អវត្តមានក្នុងប្រកួតសំខាន់ FIFA World Cup 2018 ឱ្យជម្រើសជាតិអង់គ្លេសផងដែរកាលពីពេលកន្លងទៅនេះ ដោយសារបញ្ហារបួសដូចគ្នា។ លោក Klopp កំពុងរង់ចាំការស្កេនជង្គង់មើលពីក្រុមគ្រូពេទ្យ មុនពេលវាយតម្លៃចំពោះបញ្ហារបួសនេះ៕
ប្រភព៖ DailyMail