ក្រុម Spurs របស់លោក Jose Mourinho បានយកឈ្នះលើក្រុម Ludogorets ក្នុងលទ្ធផល ៣-១ សម្រាប់ការប្រកួតសន្សំពិន្ទុពានរង្វាន់ Europa League ។
នៅយប់មិញនេះ ក្រុម Spurs ដាក់កីឡាករពេញជើងតែម្ដង និងមានវត្តមានរបស់ Gareth Bale ផងដែរ។ ជាលទ្ធផលឃើញថាពួកគេពិតជាយកបាន៣ពិន្ទុមែន ក្រោយពីឈ្នះក្នុងលទ្ធផល ៣-១។ តែបើតាមសម្ដីរបស់ Jose វិញ ក្រុម Spurs នៅមិនទាន់លេងល្អ ពេញចិត្តសម្រាប់អ្នកចាត់ការរូបនេះនៅឡើយទេ។
ក្រុម Spurs ឈ្នះនៅយប់មិញនេះ បានធ្វើឱ្យពួកគេឡើងទៅឈរនៅកំពូលតារាងពូល J ហើយ។ ក្នុងពូលនេះ មានការប្រកួតប្រជែងគ្នាខ្លាំងមែនទែន ឆ្លងកាត់៣ប្រកួតមកនេះ ពោលគឺមាន៣ក្រុមឯណោះ ដែលមានពិន្ទុ៦ពិន្ទុដូចគ្នា Spurs , Antwerp និង LASK ៕
ប្រភព៖ DailyMail