មុនប៉ះក្រុម FC Barcelona នៅថ្ងៃស្អែកនេះ ក្រុម Dynamo Kyiv មានកីឡាករឆ្លងមេរោគកូវីដ១៩ ដល់ទៅ៨នាក់ឯណោះ ដែលនឹងធ្វើឱ្យក្រុមនេះជួបការពិបាកច្រើនក្នុងការប្រកួត។
ជាមួយកីឡាករ៨នាក់ឆ្លងកូវីដ១៩នេះ នឹងធ្វើឱ្យក្រុមរបស់ប្រទេសអ៊ុយក្រែនមួយនេះមានកីឡាករអវត្តមានសរុបដល់ទៅ១១នាក់ហើយ ពេលប៉ះក្រុម Baracelona នៅយប់ស្អែក ក្នុងពានរង្វាន់ UEFA Champions League ។ ដោយមានកីឡាករអវត្តមានច្រើននេះហើយ នឹងធ្វើឱ្យក្រុម Dynamo ត្រូវកោះហៅកីឡាករយុវជនរបស់ខ្លួនជាច្រើននាក់ ដើម្បីមកប្រកួតជាមួយក្រុមខ្លាំងអេស្ប៉ាញនេះ។
ក្នុងការប្រកួតលីគកន្លងទៅនេះ ក្រុម Dynamo បានប្រើប្រាស់អ្នកចាំទីត្រឹមវ័យ១៨ឆ្នាំប៉ុណ្ណោះ ក្រោយពីអ្នកចាំទីរបស់ពួកគេឆ្លងមេរោគអស់ទៅ។ ដូច្នេះ ប្រកួតទល់ក្រុម Barcelona នៅថ្ងៃស្អែកនេះក៏ទំនងជាប្រើប្រាស់កីឡាករវ័យក្មេងខាងលើនេះទៀតដែរ៕
ប្រភព៖ Marca