ការប្រកួតរវាងក្លឹប Midtjylland ទល់ Ajax នឹងត្រូវធ្វើឡើងនៅវេលាម៉ោង ០៣:០០ នាទីព្រឹកថ្ងៃពុធ ដែលមានផ្សាយផ្ទាល់លើទំព័រ CTS Sports។ មុនឈានដល់ការប្រកួតស្រាប់តែទទួលបានដំណឹងអាក្រក់មួយ ហើយល្មមឲ្យអ្នកគាំទ្រ Ajax ខូចចិត្តជាខ្លាំង។
នោះគឺកីឡាកររបស់ Ajax ចំនួន ១១ រូប (រាប់ទាំងឈុតតូច/ធំ) បានតេស្តឃើញផ្ទុកជំងឺ COVID-19 ហើយក្នុងចំណោមនោះក៏មានកីឡាករ ៦ រូបដែលត្រូវចូលរួមការប្រកួតនៅ UCL វគ្គចែកពូលយប់នេះ។
បែបនេះមានន័យថា កីឡាករ Ajax ដែលបានធ្វើដំណើរទៅកីឡដ្ឋានរបស់ Midtjylland គឺមានតែ ១៧ នាក់ប៉ុណ្ណោះ ខណៈបញ្ជីឈ្មោះពេញលេញគឺ ២៣ នាក់។
បញ្ជាក់ថា Ajax ត្រូវប្រជែងក្តីសង្ឃមឹជាមួយក្រុមខ្លាំង Atalanta ក៏ដូចជា Liverpool ដែលជាក្រុមខ្លាំងកំពុងនាំមុខពិន្ទុនៅពូល D៕ ប្រភព៖ Goal