ក្រុម Spurs របស់លោក Jose Mourinho បានយកឈ្នះលើក្រុមមិនសូវខ្លាំអ LASK ក្នុងលទ្ធផល ៣-០ នាការប្រកួតបើកឆាកពានរង្វាន់ Europa League នៅយប់មិញនេះ។
លោក Jose បានដាក់កីឡាករបម្រុងជាច្រើននាក់ដើម្បីចូលលេងមើលជើងសម្រាប់ការប្រកួតនេះ។ ជាក់ស្ដែងខ្សែប្រយុទ្ធទើបទិញចូល Carlos Vinicius និង Bale តែម្ដង។ ជាលទ្ធផលឃើញថាទម្រង់លេងរបស់ក្រុមមានភាពប្រសើរច្រើន ដោយ Vinicius បានបញ្ជូនបាល់ឱ្យមិត្តរួមក្រុម២គ្រាប់ ក្នុងជ័យជម្នះ ៣-០ នៅយប់មិញនេះ។
អ្នកចាត់ការក្រុម Jose ក៏បានកោតសរសើរទៅលើទម្រង់លេងរបស់ Vinicius ផងដែរ។ ដោយបញ្ជាក់ថារដូវកាលនេះ រូបគេនឹងមាននាទីលេងច្រើនជាក់ជាមិនខាន៕ប្រភព Dailymail