ការប្រកួតរវាងក្លឹប Man City និង Leicester City នៅឯកីឡដ្ឋាន Etihad កាលពីយប់មិញបានបញ្ចប់ក្រោមលទ្ធផល ២-៥ ដែលរុញឲ្យម្ចាស់ផ្ទះខកខានឱកាសយកបាន ៣ ពិន្ទុនៅប្រកួតជុំទី ២។
City ដែលអវត្តមានម៉ាស៊ីនស៊ុត Aguero ក៏នៅតែមានការដាក់សម្ពាធខ្លាំងទៅលើក្រុមកញ្រ្ជោងខៀវ ដោយស៊ុតដល់ទៅ ១៦ លើក តែចំគោលដៅត្រឹម ៥ លើក សម្រេចបានតែ ២ គ្រាប់ដោយកីឡាករ Riyad Mahrez នៅនាទី ៤ និង Nathan Ake នៅនាទី ៨៤។
ចំណែកឯ Leicestser ស៊ុត ៧ លើក ចំគៅលដៅ ៧ លើក សម្រេចបាន ៥ គ្រាប់ ធ្វើបានដោយ Jamie Vardy ៣ គ្រាប់ (ប៉េណាល់ទី ២ គ្រាប់) James Maddison នៅនាទី ៧៧ និង Youri Tielemans មួយគ្រាប់ចុងម៉ោងតែជាបាល់ប៉េណាល់ទីថែមមួយទៀត។
ទស្សនាវីដេអូខាងក្រោម៖
គិតត្រឹមព្រឹកនេះ Leicester ឡើងឈរលេខ ១ នៅកំពូលតារាង Premier League ជាបណ្តោះអាសន្ន ដោយមាន ៩ ពិន្ទុ និងនាំមុខគ្រាប់បាល់ចំណេញចំនួន ៣ គ្រាប់ទៅលើក្លឹប Everton ដែលឈរលេខ ២៕