ក្រុម FC Barcelona កំពុងតាមទិញយកខ្សែប្រយុទ្ធហុល្លង់ Memphis Depay មករួមក្រុមវិញ បន្ទាប់ពីខ្សែប្រយុទ្ធ Luis Suarez បានចាកចេញពីក្រុមទៅហើយ។
វត្តមានរបស់លោក Koeman បានធ្វើឱ្យក្រុម Barcelona ផ្លាស់ប្ដូរច្រើន ពោលគឺកីឡាករចាស់ៗមួយចំនួនត្រូវបានលក់ចេញឬបញ្ចប់កុងត្រាយកតែម្ដង។ បច្ចុប្បន្ននេះ លោកក៏កំពុងមើលកីឡាករថ្មីបន្ថែមទៀតដែរដើម្បីមកជំនួសកីឡាករដែលចាកចេញទៅ។ ក្នុងនោះ Depay ជាបេក្ខភាពកីឡាករទី១ដែលអ្នកចាត់ការសញ្ជាតិហុល្លង់នេះចង់បាន។
ខ្សែប្រយុទ្ធរបស់ក្រុម Lyon នេះ មានតម្លៃផ្ដាច់កុងត្រាត្រឹមតែ២៨លានផោនប៉ុណ្ណោះ។ តម្លៃនេះគឺសមល្មមសម្រាប់ Barcelona ទិញយកហើយ ប្រសិនបើការចរចាត្រូវគ្នាអស់។ លេងនៅក្លឹបបារាំងនេះ Depay រកបាន៥៨គ្រាប់ និងបញ្ជូនបាល់ឱ្យមិត្តរួមក្រុមបាន៤៣គ្រាប់ ក្នុងការបង្ហាញខ្លួន១៤២ប្រកួត៕
ប្រភព៖ DailyMail
