ឆ្លងកាត់ការបម្រើអាជីពជាអ្នកចាត់ការក្លឹបបាល់ទាត់តាំងពីឆ្នាំ ២០០០ រហូតមកដល់ឆ្នាំ ២០២០ អ្នកចាត់ការលោក Jose Mourinho បានទម្លាយពីបរាជ័យនៅប្រកួតមួយ ដែលធ្វើឲ្យលោកមានអារម្មណ៍ថាខ្លួនបានធ្លាក់ដល់កម្រិតទាបបំផុតក្នុងអាជីព។
នោះគឺការបរាជ័យនៅបាល់កាត់សេចក្តីប៉េណាល់ទីក្នុងលទ្ធផល ១-៣ ទល់ក្លឹប Bayern Munich នៅជើងទី ២ វគ្គពាក់កណ្តាលផ្តាច់ព្រ័ត្រ UEFA Champions League រដូវកាល ២០១១/១២។
នៅបទសម្ភាសន៍ជាមួយលោក Mercado Aberto លើប៉ុស្តិ៍ទូរទស្សន៍ Sic របស់ព័រទុយហ្គាល់ លោក Mourinho និយាយ៖ “ប្រសិនឲ្យខ្ញុំជ្រើសរើសពេលវេលាដ៏អាក្រក់បំផុត នោះគឺដែលក្រុម Real Madrid ត្រូវបានគេទម្លាក់ចេញពីការប្រកួត [សំដៅដល់បរាជ័យទល់ក្លឹប Bayern Munich]”។
លោកបន្ថែមទៀតថា៖ “យើងធ្លាប់ជាក្រុមដែលល្អបំផុតប្រចាំតំបន់អឺរ៉ុប យើងឈ្នះពាន LaLiga និងឈោងបានកំណត់ត្រាលំដាប់ពិន្ទុ និងគ្រាប់បាល់ ហើយយើងគួរតែបានឈ្នះនៅវគ្គផ្តាច់ព្រ័ត្រ ដោយគ្មានការសង្ស័យអ្វីទាំងអស់”។
“ប៉ុន្តែអ្វីដែលធ្វើឲ្យខ្ញុំអាម៉ាស់បំផុត គឺការស៊ុតបាល់ប៉េណាល់ទីដែលខ្ញុំជ្រើសយកឈ្មោះ Cristiano Ronaldo, Kaka និង Sergio Ramos ដែលពួកគេជាអ្នកជំនាញខាងបញ្ចប់ទីការស៊ុតបាល់ ១១ ម៉ែត្រ តែចុងក្រោយអ្នកដែលមិនធ្លាប់ខកខានការស៊ុត បែរជាអ្នកដែលធ្វើឲ្យខកខានទៅវិញ”៕
ប្រភព៖ AF