ខ្សែប្រយុទ្ធ Lionel Messi នៅឆ្នាំនេះ មិនមានឈ្មោះក្នុងបញ្ជី៣នាក់ចុងក្រោយ UEFA Player of the Year នោះទេ ដោយវាជាលើកដំបូងហើយក្នុងរយៈពេល១០ឆ្នាំចុងក្រោយនេះ។មិនត្រឹមតែ Messi ទេដែលគ្មានឈ្មោះក្នុងបញ្ជីកីឡាករល្អបំផុតប្រចាំឆ្នាំរបស់ UEFA ដោយសូម្បីតែ Cristiano Ronaldo ក៏មិនមានឈ្មោះដូចគ្នា។ ខណៈដែលកីឡាករ៣នាក់ចុងក្រោយដែលបានជាប់ឈ្មោះនៅរដូវកាលនេះ គឺ Kevin de Bruyne, Robert Lewandowski និង Manuel Neuer។
ការបោះឆ្នោតនេះ ចេញពីគ្រូបង្វឹក៨០នាក់ដែលបានចូលរួមលេងក្នុងពានរង្វាន់ UEFA Champions League និង Europa League ។ បន្ថែមពីលើនេះ ក៏មានអ្នកកាសែតល្បីៗ៥០នាក់ទៀតផងដែរ។សម្រាប់ Messi រដូវកាលនេះ ទទួលបានសំឡេងគាំទ្រ៥៣ ខណៈ ដែល Ronaldo វិញនៅលេខ១០ មានសំឡេងគាំទ្រតែ២៥ប៉ុណ្ណោះ៕