លោក Jamie Carragher ដែលជាអ្នកវិភាគម្នាក់ បាននិយាយថា Chelsea ទិញ Kai Havertz មក ដោយមិនទាន់ដឹងថាដាក់កន្លែងណាដើម្បីឱ្យរូបគេលេងល្អបំផុតនោះទេ នាដើមរដូវកាលនេះ។
ក្រោយពីឮសម្ដីនេះហើយ លោក Lampard ដែលជាអ្នកចាត់ការក្រុម Chelsea ចេញមុខមកឆ្លើយតបវិញភ្លាម។ អ្នកចាត់ការវ័យក្មេងរូបនេះ បានអះអាងថា៖ “Kai លេងពីដើមមក គឺតំណែងនៅលេខ៩ លេខ៨ និងលេខ១០។ គាត់លេងបែបនេះច្រើននៅ Leverkusen ហើយខ្ញុំក៏មានគោលដៅរបស់ខ្ញុំសម្រាប់រូបគេ។ បច្ចុប្បន្ននេះ អ្វីដែលជារឿងសំខាន់គឺឱ្យគាត់ Fit មែនទែនសិន។ ខ្ញុំទិញគាត់មក ខ្ញុំដឹងថាត្រូវដាក់គាត់លេងនៅកន្លែងណាហើយ”។
រំលឹកថាក្រុម Chelsea ទិញកីឡាករអាល្លឺម៉ង់នេះមកក្នុងតម្លៃខ្លួន៧១លានផោន បូកបន្ថែមទាំងប្រាក់លើកទឹកចិត្តទៀតប្រសិនបើអាចជួយក្រុមឱ្យទទលបានលទ្ធផលល្អ។ តែ២ប្រកួតកន្លងមកនេះ រូបគេនៅមិនទាន់បង្ហាញសមត្ថភាពលេចធ្លោនៅឡើយទេ៕
ប្រភព៖ Dailymail
