តម្លៃផ្ទេរចេញរបស់កីឡាករអាជីព ពីមួយឆ្នាំទៅមួយឆ្នាំកាន់តែរំកិលកើនឡើង ហើយគិតមកត្រឹមឆ្នាំ ២០២០ តម្លៃខ្លួនរបស់ Neymar នៅតែឈរខ្ពស់ដាច់គេក្នុងប្រវត្តិសាស្ត្របាល់ទាត់។
ដោយឡែកបើតំណាងឲ្យក្រុមជម្រើសជាតិនីមួយៗវិញ តើអ្នកដឹងទេថា នៅអេស្ប៉ាញ បែលហ្សិក និងប្រទេសធំៗផ្សេងទៀត កីឡាករណាទៅមានតម្លៃថ្លៃបំផុត? CTS Sports ធ្វើការបង្ហាញដូចតទៅ៖
- អេស្ប៉ាញ: អ្នកចាំទី Kepa Arrizabalaga ផ្ទេរពី Athletic ទៅ Chelsea ឆ្នាំ ២០១៨ តម្លៃ ៩៤ លានដុល្លារ
- អ៊ីតាលី: ខ្សែបម្រើ Jorginho ផ្ទេរពី Napoli ទៅ Chelsea ឆ្នាំ ២០១៨ តម្លៃ ៧០ លានដុល្លារ
- អង់គ្លេស: ខ្សែការពារ Harry Maguire ផ្ទេរពី Leicester City ទៅ Manchester United ឆ្នាំ ២០១៩ តម្លៃ ១០៣ លានដុល្លារ
- ព័រទុយហ្គាល់: ខ្សែប្រយុទ្ធ Joao Felix ផ្ទេរពី Benfica ទៅ Atletico Madrid ឆ្នាំ ២០១៩ តម្លៃ ១៤៩ លានដុល្លារ
- អាល្លឺម៉ង់: ខ្សែប្រយុទ្ធ Kai Havertz ផ្ទេរពី Bayer Leverkusen ទៅ Chelsea ឆ្នាំ ២០២០ តម្លៃ ៩៣ លានដុល្លារ
- អាហ្សង់ទីន: ខ្សែប្រយុទ្ធ Gonzalo Higuain ផ្ទេរពី Napoli ទៅ Juventus ឆ្នាំ ២០១៦ តម្លៃ ១០៦ លានដុល្លារ
- បែលហ្សិក: ខ្សែប្រយុទ្ធ Eden Hazard ផ្ទេរពី Chelsea ទៅ Real Madrid ឆ្នាំ ២០១៩ តម្លៃ ១៦៥ លានដុល្លារ
- ហូឡង់: ខ្សែការពារ Virgil van Dijk ផ្ទេរពី Southampton ទៅ Liverpool ឆ្នាំ ២០១៨ តម្លៃ ១០០ លានដុល្លារ
- បារាំង: ខ្សែប្រយុទ្ធ Kylian Mbappe ផ្ទេរពី Monaco ទៅ PSG ឆ្នាំ ២០១៧ តម្លៃ ២១៣ លានដុល្លារ
- ប្រេស៊ីល: ខ្សែប្រយុទ្ធ Neymar ផ្ទេរពី Barcelona ទៅ PSG ឆ្នាំ ២០១៧ តម្លៃ ២៦២ លានដុល្លារ៕
ប្រភព៖ BR/Football