ក្រុម Manchester City បានយកឈ្នះលើក្រុម Wolves ក្នុងលទ្ធផល ៣-១ សម្រាប់ការប្រកួតបើកឆាកពានរង្វាន់ English Premier League នៅយប់មិញនេះ។ក្រុម Man City ធ្វើបានយ៉ាងល្អសម្រាប់ការប្រកួតបើកឆាកនេះ។ ខ្សែបម្រើ De Bruyne ជាអ្នករកបានគ្រាប់បាល់នាំមុខឱ្យក្រុមរបស់លោក Pep ដោយបាល់ប៉េណាល់ទី មុនពេល Foden ថែមបាន១គ្រាប់ទៀត។
Jeminez របស់ក្រុម Wolves ក៏រកបានគ្រាប់បាល់តាមពីក្រោយ១គ្រាប់វិញផងដែរ ប៉ុន្តែនៅចុងម៉ោង Jesus ក៏ថែមបាន១គ្រាប់ទៀត។ ចប់ការប្រកួត ក្រុម Man City យកឈ្នះក្នុងលទ្ធផល ៣-១។រំលឹកថាកាលពីរដូវកាលមុន Man City នេះ លេងទាំង២ជើងមិនដែលឈ្នះក្រុម Wolves នោះទេ ដោយចាញ់ទាំងក្នុងដីនិងក្រៅដីតែម្ដង។ តែសម្រាប់រដូវកាលនេះវិញ ឃើញថាលោក Pep អាចសងសឹកវិញបានហើយ៕
ប្រភព៖ DailyMail