លោក Solskjaer បាននិយាយការពារខ្សែប្រយុទ្ធវ័យក្មេង Greenwood ចំពោះហេតុការណ៍ដែលរូបគេហៅនាទីអ៊ីស្លង់ឡើងសណ្ឋាគារកាលពីពេលកន្លងទៅ។
រឿងផ្លូវភេទនោះបែកធ្លាយឡើង ហើយធ្វើឱ្យក្រុមជម្រើសជាតិអង់គ្លេសដក Greenwood ចេញពីជម្រើសជាតិភ្លាមៗតែម្ដង។ យ៉ាងណាមិញ កីឡាករវ័យ១៨ឆ្នាំនេះ បានមកបង្ហាញខ្លួននៅក្រុម Man Utd ជាធម្មតា ហើយត្រូវបានលោក Solskjaer និយាយការពារថែមទៀតផង។
អ្នកចាត់ការក្រុមបិសាចក្រហមបានអះអាងថា៖ “ក្មេងម្នាក់នេះកំពុងមានរដូវកាលល្អមួយ។ រូបគេនៅក្មេង ហើយត្រូវការអ្នកគ្រប់គ្រងល្អម្នាក់។ យើងបានផ្ដល់ពេលវេលាយ៉ាងច្រើនដល់ Mason នៅលើទីលាន ហើយគាត់ពិតជាធ្វើបានល្អ។ ខ្ញុំអាចនិយាយបានថា ខ្ញុំមិនចង់ឱ្យគេទៅលេងនៅជម្រើសជាតិអង់គ្លេសទេ ព្រោះរូបគេមិនមានពេលសម្រាកទាល់តែសោះ”៕ប្រភព Goal
