កាលពីយប់មិញនៅជំនួបរវាងក្លឹប Paris Saint-Germain និង Metz បានបញ្ចប់ទៅក្នុងលទ្ធផល ១-០ ដែលជាការសម្រេចគ្រាប់បាល់ចុងម៉ោងពីសំណាក់កីឡាករ Julian Draxler។
ការប្រកួតដ៏តានតឹងរវាងក្រុមទាំងពីរ មានការផ្តល់ជូនកាតក្រហមមួយនៅនាទី ៦៥ ទៅលើកីឡាករ Diallo របស់ក្រុមម្ចាស់ផ្ទះ រុញឲ្យ PSG ត្រូវលេងតតាំងភ្ញៀវដោយប្រើកីឡាករត្រឹម ១០ នាក់តែប៉ុណ្ណោះ។
ការយកបាន ៣ ពិន្ទុប៊ិះតែនឹងអត់ទៅទៀត ត្បិតបើមានការស៊ុតចំគោលដៅ ៨ លើកក្តី តែមានតែ ១ លើកគត់អាចសម្រេចទី ធ្វើបានដោយ Draxler នៅនាទី ៩០+៣ ទៅហើយនោះ។
ទស្សនាវីដេអូខាងក្រោម៖
https://www.youtube.com/watch?v=FsWo_JSinyA
បញ្ជាក់ថានេះជាជ័យជម្នះលើកទី ១ នៅ ៣ ប្រកួតដំបូងរបស់ PSG សម្រាប់ក្របខ័ណ្ឌបារាំង Ligue 1។ ពួកគេកំពុងឈរនៅចំណាត់ថ្នាក់ទី ១៥ ដែលនេះរាប់ថាជាការចាប់ផ្តើមរដូវកាលដ៏អាក្រក់មួយ ធៀបនឹង Rennes, Monaco, Lille មានពិន្ទុស្មើគ្នានៅកំពូលតារាង ឈ្នះ ២ ស្មើ ១៕