ជាមួយក្លឹប Real Madrid ខ្សែការពារកាន់ឆ្នាំ Sergio Ramos បង្ហាញវត្តមានបាន ៦៥០ លើក រកបាន ៩៧ គ្រាប់និង Assist ៣៩ លើក។ ការបង្ហាញខ្លួនលើកដំបូងរបស់កីឡាករអេស្ប៉ាញធ្វើឡើងនៅថ្ងៃទី ១៣ កញ្ញា ឆ្នាំ ២០០៥។
អតីតកីឡាករដែលផ្ទេរចេញពី Sevilla ផ្ទេរមក Real រូបនេះ បានបង្ហើបប្រាប់ Marca អំពីគ្រាមកដល់ក្លឹបស្តេចស Madrid ដំបូងៗ ដោយខ្លួនបានក្រេបយកចំណេះដឹងជាច្រើនពីមិត្តរួមក្រុមចំនួន ៣ រូបជារៀងរាល់ថ្ងៃ។
Ramos និយាយ៖ “ពេលខ្ញុំមកដល់ Real Madrid ខ្ញុំបានរៀនសូត្រពីមនុស្សដែលមានបទពិសោធន៍ច្រើនដូចជា Raul និង Iker Casillas ហើយ Canavaro ជាកីឡាករមួយរូបផ្សេងទៀតដែលខ្ញុំបានសិក្សាពីពួកគាត់ជារៀងរាល់ថ្ងៃ ហើយខ្ញុំបានព្យាយាមសម្របខ្លួនជាមួយក្លឹបកាន់តែល្អតាមដែលអាចធ្វើទៅបាន”៕ ប្រភព៖ SportBible