ក្លឹប Barcelona ត្រូវបានគេរាយការណ៍ថា ព្រមព្រៀងក្នុងការចំណាយទឹកប្រាក់ ២៨ លានផោនលើការនាំយក Memphis Depay មកចូលរួមនៅទឹកដី Camp Nou ហើយ។
Depay ជារាដ៉ាដែលលោក Ronald Koeman សម្លឹងឃើញ តាំងពីលោកបានចូលមកដឹកនាំ Barcelona កាលពីប៉ុន្មានសប្តាហ៍មុន ព្រោះលោកស្គាល់ពីការលេងរបស់បុរសវ័យ ២៦ ឆ្នាំរូបនេះច្បាស់នៅជម្រើសជាតិហូឡង់។
ខ្សែប្រយុទ្ធរបស់ Lyon ត្រៀមនឹងហោះមកកាន់ទីក្រុង Barcelona នៅពេលខាងមុខនេះ ដើម្បីបញ្ចប់ដំណាក់កាលត្រួតពិនិត្យសុខភាព មុនប្រកាសក្លាយជាកីឡាករផ្លូវការនៅទ្រនំអ្នកមានបុណ្យ។
ប្រសិនណាអាចសម្រេចទៅបានដូចការរំពឹងទុកមែននោះ រូបគេប្រាកដជាមានវត្តមាននៅការបើកឆាកជំនួបដំបូងទល់ក្លឹប Villarreal នាថ្ងៃទី ២៧ កញ្ញាខាងមុខនេះហើយ៕ ប្រភព៖ AF