Lampard បានអះអាងថាកីឡាករចំណូលថ្មី៣នាក់របស់ខ្លួន នឹងមិនអាចចូលលេងបានឡើយប្រកួតបើកឆាកលីគ Premier League នៅចុងសប្ដាហ៍នេះ។
ក្រុមតោខៀវ នឹងត្រូវជួបក្រុម Brighton សម្រាប់ការបើករដូវកាលថ្មីខាងមុខនេះ។ បើតាមលោក Lampard បានបញ្ជាក់ថាក្រុមរបស់លោកនឹងអវត្តមានកីឡាករចំណូលថ្មី៣នាក់គឺ Hakim Ziyech, Thiago Silva និង Ben Chilwell។ ដោយ Ziyech បានរងរបួសអំលុងពេលប្រកួតមិត្តភាព ស្របពេល Silva វិញទើបតែបានមកហាត់ជាមួយក្រុមមិនទាន់អាចលេងបានឡើយ។ ដោយឡែក Chilwell វិញ ក៏មានបញ្ហារបួសតិចតួចផងដែរ ដែលអាចធ្វើឱ្យរូបគេមិនអាចលេងបាន។
រំលឹកថា Chelsea ចាយជាង២០០លានផោនហើយសម្រាប់ទិញកីឡាករថ្មីចូលរួម។ ពួកគេនៅកំពុងតាមទិញកីឡាករថ្មីបន្ថែមទៀត ជាពិសេសអ្នកចាំទីតែម្ដង ដើម្បីមកពង្រឹងក្រុមប្រជែងពានរង្វាន់ជាមួយក្រុម Liverpool និង Man City ៕ប្រភព Dailymail