Gareth Bale អាចជានឹងត្រូវចាកចេញក្នុងពេលដ៏ខ្លីខាងមុខនេះ បន្ទាប់ពីក្លឹប Real Madrid សម្រេចបើកភ្លើងខៀវ ចង់ប្រញាប់លក់គេចេញត្រឹមរដូវក្តៅឆ្នាំ ២០២០។
តាម Foot Mercato បានចុះផ្សាយ ស្តេចស Madrid ក៏គិតគូរពីត្រៀមអ្នកជំនួសហើយស្រេច នោះគឺខ្សែប្រយុទ្ធស្លាបអាល់ហ្សេរីកីឡាករ Riyad Mahrez។ ក្រុមឈ្នះជើងឯក LaLiga កំពុងទាក់ទងទៅកាន់បុរសវ័យ ២៩ ឆ្នាំ ដើម្បីចរចាតាមដែលអាចធ្វើទៅបាន ប៉ុន្តែអ្វីដែលជាបញ្ហានោះគឺ Mahrez ជាប់កុងត្រារាងយូរដែរជាមួយ City ដល់ទៅ ៣ ឆ្នាំឯណោះ។
រំឭកថា Real សព្វថ្ងៃកំពុងចាយលុយយ៉ាងសម្បើមជាមួយ Bale ដោយមួយឆ្នាំទូទាត់ថ្លៃពលកម្មឲ្យកីឡាករវែលដល់ទៅ ១៥ លានអឺរ៉ូឯណោះ បែបនេះប្រសិនអាចដក Bale វាក៏អាចសម្រាលដល់បន្ទុកចំណាយមួយផ្នែកធំសម្រាប់ក្រុមទាំងមូលផងដែរ៕ ប្រភព៖ SoccerLaduma