លោក Javier Zanetti អនុប្រធានក្លឹប Inter Milan បានអះអាងថាខ្សែប្រយុទ្ធ Lautaro Martinezគឺមិនមែនសម្រាប់លក់ទេនៅរដូវកាលដោះដូរកីឡាករនេះ។
Lautaro Martinez ត្រូវបានក្រុម FC Barcelona តាមទិញជាយូរមកហើយ ដើម្បីទៅលេងជាមួយខ្សែប្រយុទ្ធ Lionel Messi ដែលពួកគេទាំងពីរនេះមានសញ្ជាតិអាហ្សង់ទីនដូចគ្នា។ តែដោយសារតម្លៃខ្លួនខ្ពស់ ហើយក្រុមអ្នកមានបុណ្យកំពុងជួបបញ្ហាសេដ្ឋកិច្ចផងនោះ ទើបបានជាមិនមានអ្វីកើតឡើងថ្មីលើការផ្ទេរនោះឡើយ។
ដើម្បីបញ្ជាក់ប្រាប់អ្នកគាំទ្រកុំឱ្យពិបាកយល់ទៀត លោក Javier Zanetti អនុប្រធានក្លឹប Inter Milan ចេញមុខមកអះអាងថារូបគេនឹងមិនចាកចេញទៅណាទេរដូវកាលនេះ។ Lautaro មិនមែនជាកីឡាករសម្រាប់លក់ចេញឡើយ៕ប្រភព Marca
