ដំណឹងនៃការចាកចេញរបស់ Lionel Messi នៅតែអាចកើតមានឡើង ដរាបណាការដោះស្រាយរវាងភាគីក្លឹបនិងសាមីខ្លួន ហាក់មិនទាន់ចេញលទ្ធផលសម្រេចច្បាស់លាស់មួយបាន។
ពាក់ព័ន្ធនឹងការចាកចេញរបស់កីឡាករអាហ្សង់ទីន តាមរបាយការណ៍ពី SER Catalunya បានឲ្យដឹងថា ប្រសិនណា Messi ចាកចេញពី Camp Nou នោះតំណែងជាប្រធានក្រុមរបស់ Barcelona នឹងត្រូវបានផ្ទេរទៅឲ្យ Gerard Pique។
ប្រភពសង្កត់ធ្ងន់ Pique ជាបុគ្គលតែមួយរូបគត់ ដែលអ្នកចាត់ការថ្មីលោក Ronald Koeman ហាក់ឲ្យតម្លៃខ្ពស់បំផុត និងជឿជាក់ថាលើរូបគេខ្លាំង។ ខណៈដែល Sergio Busquets នឹងដើរតួជាអនុប្រធានក្រុម ហើយ Ter Stegen ជាអនុប្រធានទី ២៕ ប្រភព៖ BeSoccer