ខ្សែបម្រើ Ivan Rakitic បានសម្រេចចិត្តផ្លាស់ទៅលេងនៅក្លឹបដើមរបស់ខ្លួន Sevilla វិញហើយ ក្រោយពីមិនស្ថិតក្នុងគម្រោងប្រើប្រាស់របស់លោក Koeman នៅក្រុម Barcelona ។
លោក Koeman គ្រាន់តែទទួលបានតំណែងជាអ្នកចាត់ការភ្លាម ក៏ប្រាប់ទៅកីឡាករម្ដងម្នាក់ថានរណាត្រូវនៅ និងនរណាត្រូវចាកចេញមិនស្ថិតក្នុងគម្រោងប្រើប្រាស់របស់ខ្លួន។ ដោយក្នុងនោះ Rakitic គឺជាកីឡាករដំបូងគេដែលត្រូវបានចាកចេញពីក្រុម Barcelona ។ រូបគេបានយល់ព្រមត្រលប់ទៅលេងនៅក្រុម Sevilla វិញ ក្នុងកុងត្រារយៈពេល២ឆ្នាំ។
ជាមួយការយល់ព្រមទៅលេងនៅក្រុមចាស់វិញនេះដែរ ខ្សែបម្រើក្រូអាតនេះបានយល់ព្រមកាត់ប្រាក់ឈ្នួល៤លានផោន ពោលគឺលេងនៅ Sevilla កុងត្រា២ឆ្នាំ នឹងធ្វើឱ្យរូបគេរកប្រាក់បានតិចជាងកាលនៅ Barcelona ចំនួន៤លានផោនក្នុង១រដូវកាល៕ប្រភព Dailymail