ក្រុមតោខៀវ Chelsea ជិតទិញបានកីឡាករថ្មីម្នាក់ទៀតហើយ Declan Rice របស់ក្រុម West Ham ក្នុងតម្លៃខ្លួន៨០លានផោនឯណោះ។
លោក Lampard អ្នកចាត់់ការក្រុម Chelsea បានចេញចិត្តខ្សែបម្រើវ័យ២១ឆ្នាំខាងលើនេះជាយូរមកហើយដែរ ប៉ុន្តែដោយសារតម្លៃខ្លួនថ្លៃពេកទើបមិនអាចចុះកុងត្រាភ្លាមៗបាន។ ក្រុម West Ham បានដាក់តម្លៃផ្ដាច់កុងត្រាកីឡាករ Rice នេះចំនួន៨០លានផោនឯណោះ ខណៈដែលក្រុមតោខៀវវិញកំពុងចរចាខ្លាំង ដោយផ្ដល់ត្រឹមតែ៦៥លានផោនប៉ុណ្ណោះ។
ក្រុម Chelsea រដូវកាលនេះទិញកីឡាករថ្មីចូលច្រើនមែនទែន។ ប្រសិនបើពួកគេទិញបានខ្សែបម្រើខាងលើម្នាក់ទៀត នោះនឹងក្លាយជាកីឡាករទី៥ហើយដែលចូលមករួមក្រុម បន្ទាប់ពី Timo Werner, Ben Chilwell, Hakim Ziyech និង Thiago Silva៕ប្រភព Dailymail