លោក Jorge ដែលជាឪពុកនិងភ្នាក់ងារទីផ្សាររបស់ Lionel Messi ផ្ទាល់ បានបញ្ជាក់ថាកូនប្រុសរបស់ខ្លួនពិតជាចង់ចាកចេញពីក្រុម Barcelona មែនហើយ។
កាលពីប៉ុន្មានថ្ងៃមុននេះ គេបានប្រទះឃើញលោក Jorge នេះទៅប្រទេសអង់គ្លេស ដើម្បីជួបជាមួយក្រុម Manchester City ក្នុងការចរចារឿងផ្ទេរ Messi ។ ជាលទ្ធផលមិនទាន់ដឹងយ៉ាងណាទេ ប៉ុន្តែប្រភពនៅអង់គ្លេស បានអះអាងថាខ្សែប្រយុទ្ធអាហ្សង់ទីនរូបនេះបានយល់ព្រមលក្ខខណ្ឌផ្ទាល់ខ្លួនរួចជាស្រេចហើយ ជាមួយក្រុមដែលដឹកនាំដោយលោក Pep ។
ដោយឡែកសម្រាប់លោក Jorge វិញ អះអាងជាថ្មីទៀតថា Messi មិនចង់នៅក្រុម Barcelona ទៀតទេ ហើយ Man City ក្រោមការដឹកនាំរបស់លោក Pep បច្ចុប្បន្ននេះជាជម្រើសទី១របស់គេទៅហើយ៕ប្រភព Dailymail