ក្រុមបិសាចក្រហម Manchester United បានបន្ដកុងត្រាឱ្យអ្នកចាំទី Dean Henderson រហូតដល់៦ឆ្នាំឯណោះ ដើម្បីប្រកួតប្រជែងយកដៃទី១សម្រាប់ជម្រើសដំបូងជាមួយ David de Gea ។
ចំពោះកុងត្រា៦ឆ្នាំនេះដែរ Dean នឹងទទួលបានប្រាក់តម្លៃពលកម្មរហូតដល់១២០ ០០០ផោនក្នុង១សប្ដាហ៍។ ដោយតម្លៃពលកម្មនេះខ្ពស់ជាងតម្លៃពលកម្មអ្នកចាំទី Alisson របស់ក្រុម Liverpool ទៅទៀត។ អ្នកចាំទីវ័យ២៣ឆ្នាំនេះ ក៏ត្រូវបានក្រុមជម្រើសជាតិអង់គ្លេសកោះហៅឱ្យប្រមូលផ្ដុំដើម្បីត្រៀមប្រកួតនាពេលខាងមុខផងដែរ។
Dean ត្រូវបានក្រុម Man Utd ដាក់ឱ្យក្រុម Sheffield United ខ្ចីជើងកាលពីរដូវកាលមុន។ ដោយមើលឃើញថារូបគេលេងបានយ៉ាងល្អ និងអាចជំនួស De Gea នៅថ្ងៃអនាគតបាន ទើបបិសាចក្រហមយកមកវិញ ហើយបន្ដកុងត្រាឱ្យដល់ទៅ៦ឆ្នាំជាមួយការតំឡើងតម្លៃពលកម្មផងដែរ៕ប្រភព Dailymail