ក្លឹប Paris Saint-Germain កំពុងសិក្សាពីលទ្ធភាពក្នុងការនាំយកខ្សែប្រយុទ្ធ Luis Suarez មកចូលរួមចាប់ដៃគូនៅតំបន់ប្រយុទ្ធជាមួយ Neymar ក្រោយលេចលឺថាក្លឹបកាតាឡាន់ត្រៀមនឹងបញ្ចប់កុងត្រាសេសសល់របស់គេ។
Suarez ជាប់កុងត្រាជាមួយ Barca រយៈពេល ១ ឆ្នាំទៀត តែលេចលឺថាក្លឹបចង់ចាត់ចែងបញ្ចប់កុងត្រារមុនកាលកំណត់ និងដើម្បីកាត់បន្ថយខ្ទង់ចំណាយខ្ពស់លើថ្លៃពលកម្ម ២៩០ ០០០ ផោន/សប្តាហ៍របស់គេផងដែរ។
តាមប្រភពពី RAC1 បានឲ្យដឹងថា ក្លឹប PSG នឹងចរចាយក Suarez មកចូលរួមនៅក្លឹបខ្លួន លុះត្រាណាតែកីឡាករអ៊ុយរុយហ្គាយក្លាយជាកីឡាករឥតតម្លៃខ្លួនលើទីផ្សារដោះដូរសិន។
បញ្ជាក់ថាខ្សែប្រយុទ្ធប្រើប្រាស់អាវលេខ ៩ ធ្លាប់ជាកីឡារសកម្មមួយរូបរបស់ក្លឹប Barcelona ដោយរកបាន ១៩៨ គ្រាប់និង Assist ១០៩ លើកហើយនៅ ២៨៣ ប្រកួតសរុប៕ ប្រភព៖ AF