កុងត្រាខ្ចីជើងរបស់ Philippe Coutinho ទៅកាន់ក្លឹប Bayern Munich គឺត្រូវបញ្ចប់ ក្រោយព្រឹត្តិការណ៍ UEFA Champions League បានបញ្ចប់ទៅនៅព្រឹកថ្ងៃចន្ទនេះ។
Coutinho នឹងត្រូវវិលត្រលប់ទៅកាន់ទ្រនំអាណាព្យាបាល Barcelona វិញ ហើយពាក់ព័ន្ធនឹងរឿងនេះ កីឡាករប្រេស៊ីលបានប្រាប់នៅបទសម្ភាសន៍ជាមួយ Movistar+ ថា៖ “តាមពិតទៅគឺខ្ញុំត្រូវត្រលប់ទៅកាន់ក្លឹប Barcelona វិញ ហើយយើងនឹងបានឃើញថាមានរឿងអ្វីកើតឡើងបន្តទៀត ដោយខ្ញុំមិនសូវបានគិតពីរឿងហ្នឹងច្រើនពេកទេ ពោលផ្តោតតែលើការប្រកួតវគ្គផ្តាច់ព្រ័ត្រជាធំ”។
លោកបន្ថែម៖ “អ្វីដែលខ្ញុំអាចនិយាយបាន គឺខ្ញុំពិតជាចង់ខិតខំប្រឹងប្រែងនិងទទួលជោគជ័យដ៏ល្អមួយ តែយើងនឹងបានឃើញថាតើមានអ្វីកើតឡើងបន្ទាប់”។
បញ្ជាក់ថាជ័យជម្នះរបស់ Coutinho នៅ UCL ក៏ជាចំណែកនៃការខាតបង់របស់ Barcelona មួយផ្នែកដែរ ព្រោះក្នុងកុងត្រាគឺក្លឹបត្រូវទូទាត់ប្រាក់រង្វាន់បន្ថែម ឲ្យក្លឹបចាស់ Liverpool ប្រសិនកីឡាកររូបនេះបានឈ្នះពានអឺរ៉ុប ហើយមិនថាផ្ទេរខ្ចីជើងទៅក្លឹបណាទេ ដរាបណាស្ថិតក្រោមការគ្រប់គ្រងរបស់អាណាព្យបាល Barcelona មានន័យថាក្លឹបអេស្ប៉ាញនៅតែជាអ្នកទទួលបន្ទុក៕ ប្រភព៖ AF