ក្លឹប Paris Saint-Germain បានក្លាយជាក្រុមបារាំងទី ៥ នៅប្រវត្តិសាស្ត្របាល់ទាត់ ដែលអាចរំកិលឡើងមកដល់វគ្គផ្ដាច់ព្រ័ត្រពានអឺរ៉ុប European Cup ឬ Champions League បន្ទាប់ពីយកឈ្នះទៅលើ RB Leipzig នាវគ្គ ៤ ក្រុមចុងក្រោយ។
មុនដល់ឈ្មោះ PSG គឺមាន ៤ ក្រុមផ្សេងទៀតដូចជា៖
- Stade Reims ជាក្រុមដំបូងរបស់បារាំង បានលេងនៅ European Cup វគ្គផ្ដាច់ព្រ័ត្រ តែចាញ់ Real Madrid ៤-៣ នៅឆ្នាំ ១៩៥៦
- St. Etienne ជាក្រុមទីពីរ ដែលឡើងដល់វគ្គផ្ដាច់ព្រ័ត្រ តែចាញ់ Bayern Munich ១-០ នៅឆ្នាំ ១៩៧៦
- Marseille ជាក្រុមទីបី ឡើងដល់វគ្គផ្ដាច់ព្រ័ត្រ ឆ្នាំ ១៩៩១ តែចាញ់បាល់ថែមម៉ោងប៉េណាល់ទី ៥-៣ ទល់ Red Star Belgrade រហូតដល់ ២ ឆ្នាំបន្ទាប់ក្រុមបារាំងមួយនេះមានឱកាសឡើងទៅកាន់វគ្គនោះម្តងទៀត ហើយយកជ័យជម្នះ ក្រោយបំបាក់ AC Milan ១-០
- Monaco ជាក្រុមទីបួន ឡើងដល់វគ្គផ្តាច់ព្រ័ត្រពេលឈ្មោះ European Cup ប្ដូរមកជា Champions League ហើយនោះ ប៉ុន្តែនៅតែរងបរាជ័យក្រោមថ្វីជើងរបស់ Porto នាឆ្នាំ ២០០៤។
បញ្ជាក់ថា Lyon អាចនឹងក្លាយជាក្រុមទី ៦ បន្តពី PSG ដែលអាចឡើងដល់វគ្គចុងក្រោយពាន UCL ប្រសិនណាអាចឆ្លងរំលងផុតក្រុមខ្លាំង Bayern Munich នៅយប់រំលងអាធ្រាត្រ ឈានចូលថ្ងៃព្រហស្បតិ៍នេះ មានផ្សាយផ្ទាល់លើទំព័រ CTS Sports៕