បញ្ជាក់ថ្មីៗនេះ ក្លឹបបារាំង Paris Saint-Germain បាននិយាយអំពីភាពមិនប្រាកដប្រជានៃវត្តមានរបស់ Keylor Navas នៅជំនួបវគ្គ ៤ ក្រុមចុងក្រោយ នាថ្ងៃអង្គារ៍ ទី ១៨ សីហាសប្តាហ៍ក្រោយ។
អ្នកចាំទីសញ្ជាតិកូស្តារីកាបានបង្ខំចិត្តប្តូរចេញពីការប្រកួតនៅនាទី ៧៩ កំឡុងការប្រកួតទល់ Atalanta ដោយសារការឈឺចាប់ត្រង់ផ្នែកសរសៃពួរ ហើយជំនួសមកវិញនៅអ្នកចាំទីដៃទីពីរ Sergio Rico បែបនេះនៅប្រកួតវគ្គពាក់កណ្តាលផ្តាច់ព្រ័ត្រ គេក៏ទំនងជាត្រូវជំនួសជម្រើសដំបូងរបស់ Navas ដែរ ប្រសិនមានបញ្ហាមិនស្រួលណាមួយ។
តាមការបង្ហើបពីក្លឹប PSG សង្កត់ធ្ងន់ថា ស្ថានភាពរបស់ Navas នឹងត្រូវពិនិត្យម្តងទៀតនៅថ្ងៃសោរ៍ តែការមានវត្តមានគេនៅថ្ងៃអង្គារឬអត់ មិនទាន់ច្បាស់នៅឡើយ៕ ប្រភព៖ AF