ខ្សែប្រយុទ្ធឆ្នើមរបស់ក្លឹប Bayern Munich គឺកីឡាករ Robert Lewandowski បច្ចុប្បន្នបានក្លាយជាកីឡាករដ៏ល្អបំផុតក្នុងលោកហើយ ពោលមិនមែនជា Lionel Messi ទៀតនោះទេ។ នេះបើតាមការបញ្ជាក់របស់កីឡាករជើងចាស់សញ្ជាតិអាល្លឺម៉ង់ លោក Lothar Matthaus។
Bayern Munich នឹងត្រូវតតាំង Barcelona នៅថ្ងៃទី ១៥ សីហា វេលាម៉ោង ០២:០០ នាទីរំលងអាធ្រាត្រមានផ្សាយផ្ទាល់លើទំព័រ CTS Sports ហើយ Lewandowski និង Messi ជាកីឡាករពីររូបដែលអ្នកគាំទ្រចង់ឃើញការប្រកួតប្រជែងរបស់ពួកគេខ្លាំងបំផុត។
ប្រាប់សារព័ត៌មាន Bild លោក Matthaus និយាយថា៖ “Messi ត្រូវប្រឈមកីឡាករដ៏ល្អបំផុតក្នុងលោក Robert Lewandowski ដោយ Lewandowski គេជាកីឡាករល្អបំផុតក្នុងលោក ដោយមិនត្រឹមតែជាខ្សែប្រយុទ្ធល្អនោះទេ”។
លោកបន្ថែមថា៖ “ក្លឹប Barca សព្វថ្ងៃនេះ លែងដូចពីមុនហើយ ត្បិតបើពួកគេមាន Messi ដែលជាកីឡាករតែងតែបង្កើតរឿងអស្ចារ្យ តែគេម្នាក់ឯងមិនគ្រប់គ្រាន់ក្នុងការតតាំង Bayern បានឡើយ និយាយទៅ Barcelona មិនធ្វើឲ្យខ្ញុំខ្លាចនោះទេ”៕
ប្រភព៖ GiveMeSport