ក្រុម Bayern Munich នឹងត្រូវប្រកួតជាមួយក្រុម FC Barcelona នៅវគ្គ៨ក្រុមចុងក្រោយពានរង្វាន់ UEFA Champions League នៅពេលខាងមុខនេះ។
លោក Flick អ្នកចាត់ការក្រុមយក្សអាល្លឺម៉ង់ខាងលើបាននិយាយថា៖ “យើងគោរពដល់ក្រុម Barcelona និងត្រូវរៀបចំឱ្យបានល្អ។ Leo គឺពិតជាសំខាន់ ប៉ុន្តែយើងក៏មិនត្រូវផ្ដោតតែលើគេម្នាក់ដែរ។ Barcelona មានកីឡាករសមត្ថភាពខ្ពស់ជាច្រើន យើងត្រូវផ្ដោតលើពួកគេគ្រប់គ្នា។ យើងចង់ឈ្នះការប្រកួត និងបន្ដឈ្នះរហូតទៅ”។
ត្បិតតែ Barcelona តាំងពីបើកលីគលេងវិញ ធ្វើមិនសូវបានល្អមែន ប៉ុន្តែលេងនៅ UEFA Champions League ទល់ក្រុម Napoli កន្លងទៅ ពួកគេលេងបានល្អខ្លាំងណាស់។ ការបង្ហាញទម្រង់លេងល្អប្រសើរឡើងវិញនេះហើយ ទើបបានជាធ្វើឱ្យក្រុម Bayern Munich បារម្ភផងដែរ៕ប្រភព Marca
