លោក James Pallotta ប្រធានក្លឹប Roma បានបង្ហាញអារម្មណ៍មិនពេញចិត្តចំពោះទង្វើរបស់ក្លឹប FC Barcelona ដែលបានឆ្មក់យកកីឡាករ Malcom ពីនាទីចុងក្រោយនៃការផ្ទេរ។
Malcom ត្រូវបានគេដឹងច្បាស់ថានឹងចូលរួមជាមួយ Roma ទៅហើយ ប៉ុន្តែចុងក្រោយត្រូវបានក្លឹប Barca ទាក់ទងនិងយករូបគេបានទៅវិញ ខណៈដែលក្លឹបនៅអ៊ីតាលីបានត្រឹមខកចិត្តប៉ុណ្ណោះ។ ចំពោះរឿងនេះ ដែរ លោក James Pallotta បាននិយាយទាំងមិនពេញចិត្តចំពោះទង្វើរបស់ក្លឹបនៅអេស្ប៉ាញថា គ្មានក្រមសីលធម៌ទាល់តែសោះ។ លោកបញ្ជាក់ថាក្លឹបនឹងមិនទទួលយកការសុំទោសពីក្លឹប Barcelona ឡើយ ចំពោះរឿងដែលពួកគេបានធ្វើ។ ប្រសិនបើក្រុមអ្នកមានបុណ្យពិតជាចង់សុំទោស នោះពួកគេត្រូវតែលក់ Messi ឱ្យក្លឹប Roma ។
Malcom
Barcelona បានទិញយកខ្សែបម្រើស្លាប Malcom ពីក្រុម Bordeaux ក្នុងតម្លៃខ្លួន៤៥លានផោន។ ស្របពេលដែលមុនការទិញយករបស់ក្រុមអ្នកមានបុណ្យនេះ ខាងក្លឹប Roma ឯណោះបានប្រកាសជាផ្លូវការថាខ្លួនក៏បានចុះកិច្ចព្រមព្រាងយកកីឡាករប្រេស៊ីលរូបនេះដែរ៕ប្រភព៖ DailyMail