ការប្រកួត Europa League នឹងចាប់ផ្ដើមដំណើរការប្រកួតរបស់ខ្លួនវិញហើយ ក្រោយពីផ្អាកអស់រយៈពេលជាច្រើនខែមកនោះ។ យ៉ាងណាមិញ ការប្រកួតនៅវគ្គនេះដែរ ក៏មានការប្រែប្រួលកាលវិភាគខ្លះផងដែរ។
ការប្រកួតនៅរាត្រីនេះនិងស្អែក ៦គូនៃ៨គូដែលត្រូវលេង គឺឈានចូលដល់ជើងទី២ហើយ ដោយពួកគេនឹងត្រូវលេងតាមកាលវិភាគចាស់ដដែលក្នុងដី។ ដោយឡែក២គូទៀត ដែលមិនទាន់ប្រកួតសោះនោះ នឹងត្រូវលេងតែមួយជើងទេ នៅទឹកដីអាល្លឺម៉ង់។ ការលេងតែមួយជើង ហើយយកទឹកដីកណ្ដាលនេះ គឺមានគូ Inter Milan ប៉ះ Getafe និង Sevilla ប៉ះ Roma ។
ដោយចាប់ពីវគ្គ៨ក្រុមចុងក្រោយទៅ ការប្រកួតព្រឹត្តិការណ៍ Europa League នេះ នឹងត្រូវលេងនៅទឹកដីអាល្លឺម៉ង់ទាំងអស់ ហើយក៏លេងតែមួយជើងដែរ ដើម្បីយកឈ្នះចាញ់។ ដោយឡែកបើនិយាយតែការប្រកួតនៅយប់នេះវិញ មាន៤គូ គឺ Copenhagen ប៉ះ Istanbul , Shakhtar Donetsk ប៉ះ Wolfsburg , Inter Milan ប៉ះ Getafe និង Man Utd ប៉ះ LASK ៕ប្រភព Bbc
