ខ្សែប្រយុទ្ធ Paulo Dybala របស់ក្រុម Juventus បានឈ្នះពានរង្វាន់កីឡាករល្អជាងគេប្រចាំឆ្នាំនៅក្របខណ្ឌ Serie A សម្រាប់រដូវកាលនេះ។
កីឡាករអាហ្សង់ទីនខាងលើនេះ រកបាន១៣គ្រាប់ និងបញ្ជូនបាល់ឱ្យមិត្តរួមក្រុមបាន១០ដង ក្នុងរដូវកាលនេះ។ រួបគេក៏ជាកម្លាំងសំខាន់ជួយក្រុម Juventus ឈ្នះពានផងដែរ ហើយវាជាពានទី៥ហើយដែលរូបគេបានឈ្នះនៅទីនេះ។ ដោយសារតែការលេងជាក្រុមបានល្អ និងជួយបានច្រើននេះហើយ ទើបបានជា Serie A សម្រេចផ្ដល់ពានរង្វាន់កីឡាករល្អប្រចាំឆ្នាំឱ្យទៅ Dybala ។
ដោយឡែកសម្រាប់ពានរង្វាន់ដទៃទៀតគឺ អ្នកចាំទីល្អបានទៅលើ Wojciech Szczesny ខ្សែការពារល្អបានទៅលើ Stefan De Vrij ខ្សែបម្រើល្អបានទៅលើ Alejandro ‘Papu’ Gomez ខ្សែប្រយុទ្ធល្អបានទៅលើ Ciro Immobile និងកីឡាករក្មេងល្អបានទៅលើ Dejan Kulusevski៕ប្រភព Marca
