ក្រុម Inter Milan បានសម្រេចទិញយកខ្សែប្រយុទ្ធ Alexis Sanchez ពីក្រុម Manchester United ដាច់ហើយ ក្នុងតម្លៃខ្លួន១៣,៥លានផោន ក្រោយពីខ្ចីជើង១រដូវកាលកន្លងមកនេះ។
ប្រភពនៅអ៊ីតាលីបានអះអាងថាថ្នាក់ដឹកនាំក្រុម Inter Milan បានចរចាសម្រេចទិញយក Sanchez មករួមក្រុមហើយ។ ការចរចានោះចេញលទ្ធផលមកថា ក្រុម Inter Milan នឹងផ្ដល់តម្លៃខ្លួនកីឡាករឈីលីនេះ១៣,៥លានផោន ដើម្បីកាត់កុងត្រាដែលនៅសល់ជាមួយក្រុមបិសាចក្រហម។ ការមកលេងនៅអ៊ីតាលីនេះដែរ អតីតកីឡាករ Barcelona រូបនេះ នឹងទទួលបានតម្លៃពលកម្មមិនដល់ ៣៥០ ០០០ផោនក្នុង១សប្ដាហ៍នោះទេ។ តែការផ្ដល់ឱកាសបានលេងជាប់ គឺជាអ្វីដែលរូបគេចង់បាន។
Sanchez តាំងពីផ្លាស់មកលេងនៅ Old Trafford មក រូបគេលេងមិនបានល្អនោះទេ។ រហូតដល់ក្រុមរបស់លោក Ole បានសម្រេចឱ្យគេខ្ចីជើងថែមទៀត។ ការទៅលេងនៅ Inter Milan ក្រោមលក្ខខណ្ឌខ្ចីជើងកន្លងទៅ រូបគេធ្វើបានល្អមែនទែន ទើបបានជាក្រុមយក្សនៅអ៊ីតាលីនេះចង់ទិញយកដាច់តែម្ដង៕ប្រភព Dailymail
