ក្រុម Manchester City បានយកឈ្នះលើក្រុម Watford ក្នុងលទ្ធផល ៤-០ ក្នុងការប្រកួត Premier League សប្ដាហ៍ទី៣៧នៅយប់មិញនេះ។
ខ្សែប្រយុទ្ធ Sterling រកបាន២គ្រាប់ម្នាក់ឯង Foden បាន១គ្រាប់និង Laporte ក៏រកបាន១គ្រាប់ផងដែរសម្រាប់ការប្រកួតនេះ។ ទម្រង់លេងនៅយប់មិញនេះ ឃើញថា Man City អាចលេងប្រយុទ្ធបានយ៉ាងល្អឡើងវិញ មិនមានបញ្ហាដូចកាលប៉ះក្រុម Arsenal នោះទេ។ លោក Pep មើលឃើញថាក្រុមបានត្រលប់មករកភាពល្អប្រសើរ ជាមួយការប្រមូលអារម្មណ៍និងសាមគ្គីគ្នា។
លោកជឿជាក់ថាជ័យជម្នះនិងទម្រង់លេងបច្ចុប្បន្នអាចនឹងធ្វើឱ្យក្រុមទាំងមូល តទល់ជាមួយក្រុម Real Madrid បាននៅពេលខាងមុខ។ ក្រុមរបស់លោក Zidane ដែលឈ្នះពាន La Liga ក៏មានទំនុកចិត្តខ្ពស់ដែរ ដូច្នេះហើយ Man City ត្រូវតាំងចិត្តឱ្យបានល្អថែមទៀត សម្រាប់ការប្រកួតដ៏ស្វិតស្វាញនេះ៕ប្រភព Dailymail