ក្រុម Real Madrid បានយកឈ្នះលើក្រុម Granada ក្នុងលទ្ធផល ២-១ នៅយប់មិញនេះ ក្នុងការប្រកួត La Liga សប្ដាហ៍ទី៣៦។
ក្រុមរបស់លោក Zidane នៅតែទទួលបាន៣ពិន្ទុដដែល ដោយការប្រកួតទល់ក្រុម Granada នេះ Real Madrid រកបាន២គ្រាប់មុននៅតង់ទី១ ដោយ Mendy ១គ្រាប់ និង Karim Benzema ១គ្រាប់។ ឈានចូលដល់តង់ទី២វិញ ក្រុមអធិរាជសហាក់ដូចជាធ្វើមិនបានល្អទេ ដោយបានបង្កើតកំហុសឱ្យ Machís រកបាន១គ្រាប់វិញនៅនាទី៥០។ Granada នៅតែបន្ដសម្រុករហូត និងមានឱកាសជាច្រើនលើក តែមិនអាចទម្លាយសំណាញ់ទីបានឡើយ។
ចប់ការប្រកួត Granada ចាញ់ Real Madrid ក្នុងលទ្ធផល ២-១។ បាន៣ពិន្ទុបន្ថែមទៀតនេះ គឺក្រុម Real Madrid កាន់តែកៀកពានមែនទែនហើយ ដោយត្រូវការតែ៣ពិន្ទុទៀតប៉ុណ្ណោះក្នុងសប្ដាហ៍ទី ៣៧ ពួកគេអាចក្លាយជាជើងឯកលីគកំពូលអេស្ប៉ាញរដូវកាលនេះបានហើយ៕ប្រភព Bbc
