លោក Josep Maria Bartomeu ប្រធានក្លឹប Barcelona បានអះអាងថាការនាំយក Xavi មកដឹកនាំក្រុម វាគ្រាន់តែជារឿងយូរហើយនិងឆាប់ប៉ុណ្ណោះ។
កៅអីលោក Setien អ្នកចាត់ការក្រុម Barcelona បច្ចុប្បន្ននេះនឹងរង្គោះរង្គើមិនខាន ប្រសិនបើរដូវកាលនេះក្រុមមិនអាចឈ្នះពានរង្វាន់បានទេនោះ។ ស្របពេលមានដំណឹងជាច្រើនបញ្ជាក់ក្លឹបនឹងយកលោក Xavi អតីតកីឡាករខ្លួនផ្ទាល់តែម្ដង មកដឹកនាំក្រុមបន្ដទៀតប្រសិនណាបើមានការបណ្ដេញអ្នកចាត់ការបច្ចុប្បន្ននេះចេញទៅ។
ដំណឹងនេះដែរ ត្រូវបានលោក Bartomeu ក៏យល់ស្របដែរ។ ដោយលោកបញ្ជាក់ថាការនាំ Xavi មកវិញ វាគ្រាន់តែជារឿងឆាប់ៗនេះ ឬរង់ចាំពេលវេលាបន្តិចប៉ុណ្ណោះ។ សាមីខ្លួននៅតែស្រលាញ់ក្លឹបនេះ ហើយនឹងមកជួយក្រុមជានិច្ចប្រសិនបើត្រូវការ។ តែយ៉ាងណា ថ្នាក់ដឹកនាំក្រុមអ្នកមានបុណ្យបច្ចុប្បន្ននៅគាំទ្រលោក Setien សិន រហូតដល់ចប់រដូវកាលទើបមានការសម្រេចចិត្តថ្មី៕ប្រភព Goal
