ខ្សែប្រយុទ្ធ Raheem Sterling រកបាន៣គ្រាប់ម្នាក់ឯងជួយក្រុម Manchester City បន្ដទម្រង់លេងល្អរបស់ខ្លួន យកឈ្នះលើក្រុម Brighton ក្នុងលទ្ធផល ៥-០ ឯណោះ។ក្រុមរបស់លោក Pep បើទោះជាអស់ឱកាសប្រជែងពាន ឬមិនបារម្ភចំណាត់ថ្នាក់លេខ២របស់ខ្លួនមែន ប៉ុន្តែពួកគេនៅតែប្រឹងប្រែងជាខ្លាំងសម្រាប់ការប្រកួត។ ដូចទល់ក្រុម Brighton ដូច្នេះដែរ គឺពួកគេព្យាយាមលេង១០០%តែម្ដង ហើយសម្រុកស្វែងរកគ្រាប់បាល់ជាបន្ដបន្ទាប់។
ជាក់ស្ដែង ខ្សែប្រយុទ្ធ Raheem Sterling រកបាន៣គ្រាប់ឯណោះ ខណៈដែល២គ្រាប់ទៀតជាការធ្វើបានសម្រេចពី Jesus និង Bernardo Silva។ក្រុម Man City នៅសល់ការប្រកួតប្រជែងពានរង្វាន់២ទៀតគឺ FA Cup វគ្គពាក់កណ្ដាលផ្ដាច់ព្រ័ត្រ និង UEFA Champions League វគ្គ១៦ក្រុមចុងក្រោយជើងទី២ទល់ក្រុម Real Madrid ៕
ប្រភព៖ DailyMail