ការប្រកួត UEFA Champions League បានចាប់ផ្ដើមវគ្គ៨ក្រុមចុងក្រោយរួចរាល់ហើយសម្រាប់ត្រៀមលេងនៅទឹកដីព័រទុយហ្គាល់ ដោយប្រើប្រាស់រូបមន្ដថ្មី។
តែមុនឈានដល់វគ្គប្រកួតនោះដែរ ក៏នៅសល់ក្រុមមួយចំនួនត្រូវលេងវគ្គ១៦ក្រុមសិនផងដែរ។ ដោយក្នុងនោះនៅសល់ក្រុម Man City ប៉ះ Real Madrid និង Barcelona តតាំងជាមួយ Napoli ។ សម្រាប់ការប្រកួតនេះដែរ សម្រាប់ក្រុម Barcelona ត្រូវបានថ្នាក់ដឹកនាំមានទំនុកចិត្តថានឹងឈ្នះ Napoli បាន បើទោះជាជើងទី១កន្លងទៅ ពួកគេស្មើគ្នា ១-១ ក៏ដោយ។
ដូច្នេះប្រសិនណាបើពួកគេអាចយកឈ្នះ Napoli បានដូចការរំពឹងទុកមែន នោះក្រុម Barcelona នឹងប៉ះជាមួយក្រុម Bayern Munich ឬ Chelsea ព្រោះក្រុម២នេះត្រូវប្រកួតកាត់សេចក្ដីជើងទី២ នៅវគ្គ១៦ក្រុមចុងក្រោយដែរ។ តែ Bayern Munich ហាក់ដូចជាមានសង្ឃឹមច្រើន ព្រោះពួកគេឈ្នះ Chelsea ជើងទី១ក្នុងលទ្ធផល ៣-០ទៅហើយ។
ខាងក្រោមនេះជាក្រុមដែលត្រូវប៉ះគ្នានៅវគ្គ៨ក្រុមចុងក្រោយ៖
- ក្លឹប Manchester City/Real Madrid នឹងប៉ះជាមួយ Juventus/Lyon
- ក្លឹប Barcelona/Napoli នឹងត្រូវប្រកួតជាមួយ ក្លឹប Bayern Munich/Chelsea
- ក្លឹប RB Leipzig នឹងត្រូវប្រកួតជាមួយ ក្លឹប Atletico Madrid
- ក្លឹប Atlanta នឹងត្រូវប្រកួតជាមួយ ក្លឹប Paris Saint-Germain
ការប្រកួតវគ្គ៨ក្រុមនឹងធ្វើឡើងនៅថ្ងៃទី១២ ដល់ថ្ងៃទី១៥ ខែសីហា ឆ្នាំ២០២០ នៅរដ្ឋធានីលីស្បោន ប្រទេសព័រទុយហ្គាល់ ដោយលេងតែមួយជើងទេ។ សម្រាប់ក្រុមដែលត្រូវលេងនៅវគ្គ១៦ក្រុមជើងទី២ នឹងធ្វើឡើងនៅទឹកដីខ្លួនឯង ចាប់ពីថ្ងៃទី៧និង៨ខែសីហាខាងមុខ៕ប្រភព Marca
