ខ្សែប្រយុទ្ធ Vinicius មិនបានចូលហាត់ជាមួយក្រុមទេកាលពីម្សិលមិញនេះ ដោយសារតែការពិនិត្យរកមេរោគ Covid-19 របស់គេមានបញ្ហា ត្រូវធ្វើឡើងម្ដងទៀត។
ក្រោយពីតេស្ដលើកទី២រួចមក ពេលនេះលទ្ធផលរបស់កីឡាករប្រេស៊ីលនេះ ចេញជាផ្លូវការហើយគឺរូបគេមិនមានមេរោគ Covid-19 ឡើយ។ ដូច្នេះសម្រាប់ការប្រកួតទល់ក្រុម Alaves នៅម៉ោង៣រំលងអាធ្រាត្រនេះ គឺរូបគេអាចមានឈ្មោះដើម្បីចូលលេងបានជាធម្មតា។ ដោយការប្រកួតនៅរាត្រីនេះ គឺក្រុមរបស់លោក Zidane ត្រូវការជ័យជម្នះជាចាំបាច់ ដើម្បីរក្សាតំណែងកំពូលតារាង និងបន្ដដាច់ពិន្ទុក្រុម Barcelona ៤ពិន្ទុដដែល។
សម្រាប់ការប្រកួតនៅរាត្រីនេះដែរ ក្រុម Real Madrid នឹងបាត់បង់កីឡាករជម្រើសដំបូងដល់ទៅ២នាក់ឯណោះ គឺប្រធានក្រុម Sergio Ramos និងខ្សែការពារស្លាប Carvajal ដោយសារតែពួកគេទទួលបានកាតលឿង៥ ត្រូវសម្រាក១ប្រកួត៕ប្រភព Marca