ក្រុម Everton បានយកឈ្នះលើក្រុម Leicester City ក្នុងលទ្ធផល ២-១ ក្នុងការប្រកួតកាលពីយប់មិញនេះក្នុងសប្ដាហ៍ទី៣២នៃលីគកំពូលអង់គ្លេស។ក្រុមដែលដឹកនាំដោយលោក Carlo Ancelotti កំពុងធ្វើបានល្អមែនទែនតាំងពីបើករដូវកាលមកនេះ។ ជាក់ស្ដែងនៅយប់មិញនេះ ពួកគេបើកការនាំមុខលើក្រុម Leicester City ដល់ទៅ២គ្រាប់មុនឯណោះ ដោយគ្រាប់ទី១ធ្វើបានដោយ Richarlison នាទីទី១០ និង Sigurdsson នៅនាទី១៦។ ដោយឡែកសម្រាប់១គ្រាប់របស់ក្រុម Leicester City វិញធ្វើបានដោយ Iheanacho នាទី៥១។
ជាមួយលទ្ធផលទទួលបាន៣ពិន្ទុខាងលើនេះ ក្រុម Everton ហាក់ដូចជាមានទឹកមាត់លេបវិញហើយ ក្នុងការប្រជែងចូលតំបន់អាចលេង Europa League បាននៅរដូវកាលក្រោយ។ ដោយបច្ចុប្បន្ននេះពួកគេមាន៤៤ ឈរនៅលេខ១១។ ពិន្ទុ៤៤នេះដែរ គឺក្រុម Everton នៅចាញ់ក្រុមដែលមានកៅអី Europa League តែ១ពិន្ទុប៉ុណ្ណោះ។ ដូច្នេះពួកគេនឹងមានសង្ឃឹមច្រើន ប្រសិនណាបើរក្សាលទ្ធផលជ័យជម្នះបន្ដបន្ទាប់ទៀត៕