ក្រុម Valencia បានបណ្ដេញលោក Albert Celades ចេញពីតំណែងអ្នកចាត់ការហើយ ក្រោយពីដឹកនាំក្រុមមិនបានល្អប៉ុន្មានប្រកួតមកនេះ។
ការសម្រេចចិត្តបណ្ដេញអ្នកចាត់ការចោលនេះ គឺក្រោយពីក្រុម Valencia បានបរាជ័យក្រោមថ្វីជើងក្រុម Villarreal ក្នុងលទ្ធផល ២-០ កាលពីពេលកន្លងទៅនេះ។ ហើយវាក៏ជាលទ្ធផលលើកទី៣ដែលក្រុមប្រជៀវខ្មៅនេះ បរាជ័យតាំងពីបើករដូវកាលវិញផងដែរ។
ក្រោយពីដេញលោក Albert Celades ចេញទៅ ក្រុម Valencia បានសម្រេចចិត្តតែងតាំងលោក Salvador ‘Voro’ Gonzalez មកធ្វើជាអ្នកចាត់ការវិញ។ ក្រុម Valencia បច្ចុប្បន្ននេះស្ថិតនៅតំណែងលេខ៨ក្នុងតារាង ឆ្លងកាត់៣២ប្រកួត មាន៤៦ពិន្ទុ។ ការប្រកួតនៅសល់៦ប្រកួត នឹងចប់រដូវកាលហើយ៕ប្រភព Marca