Odion Ighalo បានចូលរួមចំណែករកគ្រាប់បាល់ជួយឲ្យ Man Utd យកឈ្នះទៅលើ Norwich City ២-១ ជាលទ្ធផលរុញឲ្យបិសាចក្រហមបានឡើងទៅកាន់វគ្គ ៤ ក្រុមចុងក្រោយដែលត្រូវតតាំង Chelsea សម្រាប់ព្រឹត្តិការណ៍ FA Cup។
មួយគ្រាប់របស់កីឡាករនីហ្សេរីយ៉ា គឺពិសេសត្រង់ថា បានតាមស្មើកំណត់ត្រាចាស់មានអាយុកាល ៩៥ ឆ្នាំ ពោលគឺខ្សែប្រយុទ្ធរូបនេះ អាចរកគ្រាប់បាល់ទាំង ៤ លើកនៅ ៤ ប្រកួតដែលលោកមានឈ្មោះជាប់ជម្រើសដំបូង។ លើកចុងក្រោយបង្អស់ដែលមានអ្នកធ្វើបាន គឺនៅឆ្នាំ ១៩២៥ ពីសំណាក់កីឡាករ James Hanson។ នេះបើតាមរបាយការណ៍ពី Opta Sports បានចុះផ្សាយ។
បញ្ជាក់ថា Ighalo បានព្រមព្រៀងលើការបន្តកុងត្រាខ្ចីជើងជាមួយ United បន្ថែមដល់ថ្ងៃទី ៣១ មករា ឆ្នាំ ២០២១ ពោលគឺថែមរយៈពេល ៦ ខែទៀត ក្រោយបង្ហាញទម្រង់លេងយ៉ាងល្អទាញការចាប់អារម្មណ៍ពីអ្នកចាត់ការលោក Ole Gunnar Solskjaer៕
ប្រភព៖ SoccerLaduma