អតីតខ្សែបម្រើប្រយុទ្ធ Kaka ដែលធ្លាប់ជាកីឡាករលេងឲ្យក្លឹប AC Milan និង Real Madrid ក៏ដូចជានៅក្រុមជម្រើសជាតិប្រេស៊ីល ត្រូវបានគេរាប់ចូលថាជាកីឡាករដ៏ល្អមួយរូបនៅប្រវត្តិសាស្រ្តបាល់ទាត់ ដោយសារមើលឃើញពីពានរង្វាន់និងជោគជ័យជាច្រើនដែលលោកធ្លាប់សម្រេចបាន។
Kaka មុនចូលនិវត្តពីបាល់ទាត់ លោកធ្លាប់ឈ្នះពានបុគ្គល FIFA The Best និង Ballon d’Or ខណៈនៅក្លឹបធ្លាប់ឈ្នះ UCL, LaLiga, និង Italian Super Cup ជាដើម។
ពាក្យសម្តីចាក់ដោតមួយឃ្លា ដែលបុរសវ័យ ៣៨ ឆ្នាំធ្លាប់និយាយ បានឆក់បេះដូងអ្នកគាំទ្រជាខ្លាំង ដោយលោកថា៖ “ខ្ញុំមិនខ្វល់ថាកូនរបស់ខ្ញុំគេដឹងថាខ្ញុំធ្លាប់ជាកីឡាករដ៏ល្អបំផុតមួយរូបក្នុងលោកឬអត់អីនោះទេ ដោយខ្ញុំចង់ឲ្យពួកគេត្រឹមចាត់ទុកខ្ញុំជាឪពុកដ៏ម្នាក់ក្នុងលោកបានហើយ”។
បញ្ជាក់ថាកូនរបស់ Kaka មាន ២ រូប ដោយរួមមានកូនប្រុស Luca Celico Leite ដែលមានអាយុ ១២ ឆ្នាំ និងកូនស្រី Isabella Celico Leite មានអាយុ ៩ ឆ្នាំ៕